Elektrizitatea sortzeko hamaika egitasmo dago Araban eta Nafarroan. Castejongo zentral termikoak eta horien zabaltzea, Lantarongo ziklo konbinatuko zentral termikoa, Araban egin nahi diren parke eolikoak (Arkamu, Perriain eta Iturrieta), Garoñakozentral nuklearra (Burgos-Espainia). Ordea, egitasmo horiek ez datoz bakarrik. Argindarraren garraioa errazteko helburua duen goi tentsioko linea baten egitasmoak -Gasteiz eta Muru Artederreta (Nafarroa) artean- kritikak eragin ditu ekologista eta herritarren aldetik.

Red Electrica de España enpresak (REE), egitasmoaren arduradunak, goi tentsioko linea «Nafarroa eta EAE elkarrekin lotzeko funtsezkoa» izango dela deritzo. Sare horren helburuen artean Nafarroako parke eolikoek sortzen duten energiaren gaindikina Araba, Bizkai eta Gipuzkoako sarera bideratzeko helburua izango du, besteak beste. Dena den, elkarrekin lotze hori baino harago doan helburua dagoela deritzote linearen kontra dauden taldeek. Gasteiz-Muru Artederreta lineak Castejonera jarraitzen du -datozen hilabetetan bukatuko da linea hori-, eta, bertatik, Aragoitik (Espainia), Herrialde Katalanetara heldu arte. Sare horrek edozein txokotan sortzen den gehiegizko argindarra edonon saltzeko helburua erraztu nahi duela uste du linearen aurka dagoen plataformak.

Honez gain beste iritzi bat ere entzuten da kalean. Ez al da kasualitatea energia pilla hori garraiatzeko sarea egitea (Sare horren helburuen artean Nafarroako parke eolikoek sortzen duten energiaren gaindikina Araba, Bizkai eta Gipuzkoako sarera bideratzeko helburua izango du, besteak beste) eta aldi berean energia pilla hori kontsumitzea behar duen beste proiektu bat sortzea?? AHT-a hain zuzen ere

Aupa, seguruenik ez duzue proiektu honi buruz informazio larregi izango, agian honi buruz ezer ez dakizue, baina beharrezkoa iruditzen zait behintzat proiektu honen nondik norakoak ezagutzea, eta gero bakoitzak ikusiko du honen aurrean beste aldera begiratzen duen edo egoera aldatzeko zerbait egiten ahalegintzen den.

ZER EGIN NAHI DUTE?

Gasteizetik Castejonera doan  110 kilometro luze den  eta 400.000 boltio daraman  autopista elektrikoa (red de alta tensión).

Zirkuitu bikoitzeko linea, 18 kablez osatutakoa.

Linea guztiak  hartzen duen esparruan ezingo dira arbolak landatu, ezta etxe edo industriak eraiki.

Dorretik dorrera 400/500 metroko distantzia ( guztira 220/275 dorre)  

Dorre bakoitzaren oinak ( porlanezko plataformak) 10X10 metro izango ditu eta metro erdiko altuera.

Dorreen altuera 42/47 metrokoa izango da. ( ideia bat egiteko pentsatu Gazteizeko virgen Blancak 17 metroko dituela eta Iruñako Monumento de los Fueros-ek 25 metro)

Gaurko nahikoa, proiektu honen ideia bat hartzeko. Informazio egarria duzuenentzat lasai,  aurrerantzean informazio gehiago sartzen joango naiz.

Zuen komentario, galdera, kezka, ideaia… guztiak ongietorriak izango dira.